|
Автордук укук
|
|
АВТОРДУК УКУК – 1) (объективдүү маанисинде) оозеки, жазма ж. б. түрүндө илимий, адабий жана көркөм өнөр боюнча чыгармаларды жаратууга жана пайдаланууга (басып чыгарууга, аткарууга ж. б.) байланышкан мүлктүк жана мүлккө тийешеси жок мамилелерди жөнгө сала турган жарандык укуктун бөлүгү. А. у. тутумуна улуттук-жарандык мыйзам жана да эларалык макулдашуулар боюнча А. у-ту коргоо ченемдери да кирет; 2) (субъективдүү маанисинде) адабий, илимий жана көркөм өнөр чыгармаларына карата жеке мүлктүк, же мүлктүк эмес укуктурдын жыйындысы. Жеке А. у-ка (автордун укугуна) төмөндөгүлөр кирет: автордук укук, автордун аты-жөнү, чыгармаларына колтийбестиги. Ал эми мүлктүк укукка: жарыялоо, иштеп чыгуу, мазмуну менен шартын сатуу ж. б. у. с. жатат. Мындай укук жарык көргөн да, жарыкка чыга элек да чыгармаларга тийешелүү жана алардын баардыгы акыл эмгек алкагына кирет. Чыгарманын автору, же башка ээлик кылуучу жактар өзүнүн чыгармасын мамлекеттик каттоо боюнча А. у-ту коргоо мөөнөтү бүтө элек кайсы учурда болбосун каттоодон өткөрүүгө акысы бар. А. у. объектисин каттоодон өткөргөн жакка белгиленген үлгүдөгү күбөлүк берилет. Мындай жактардын каалоосу менен, чыгарманы каттоо жана тизмеге киргизүү боюнча маалыматтар Кыргызпатент басылмаларында жарыяланышы мүмкүн. Жарыялана турган маалыматтардын көлөмү жана мазмуну автор, же башка ээлик кылуучу жактар менен макулдашуу аркылуу Кыргызпатент тарабынан аныкталат.
|
Мобильный режим
=